2018 წლის 27 თებერვალს დავით ტვილდიანის სამედიცინო უნივერსიტეტმა მე-6 კურსის გამოსაშვები საღამო აღნიშნა. კურსდამთავრებულებს უნივერსიტეტის დეკანმა ქლბ. ნინო ბრეგვაძე-თაბაგარმა მიმართა. დამამთავრებელი კურსის სტუდენტებმა ერთად წარმოთქვეს „ჰიპოკრატეს ფიცი“. ფიცი დასტურია იმისა, რომ დავით ტვილდიანის სამედიცინო უნივერისტეტის სტუდენტები აცნობიერებენ საკუთარ პასუხისმგებლობას, არასოდეს დაივიწყებენ მას და მუდამ იზრუნებენ პაციენტების ჯანმრთელობაზე, რადგან სწორედ მათი პროფესია უკავშირდება ადამიანის სიცოცხლის გადარჩენას. კურსდამთავრებულებს უნივერსიტეტის დეკანმა ქლბ.-მა ნინო ბრეგვაძე-თაბაგარმა სამახსოვრო სერტიფიკატები გადასცა. ამის შემდგომ კურსდამთავრებულებმა ფიცს ხელი მოაწერეს და სამადლობელი სიტყვა წარმოსთქვეს.
დავით ტვილდიანის სამედიცინო უნივერსიტეტი 2018 წლის კურსდამთავრებულებს წარმატებას და კარიერულ წინსვლას უსურვებს.