7 თებერვალს დავით ტვილდიანის სამედიცინო უნივერსიტეტის რუსთავის კამპუსში იმუნიზაციისა და ვაქცინოლოგიის ასოციაციის ორგანიზებით წითელას და წითელას საწინააღმდეგო ვაქცინაციის შესახებ საინფორმაციო ღონისძიება ჩატარდა. ღონისძიების ფარგლებში სტუდენტებს საქართველოში წითელას ეპიდაფეთქების, დაავადების გართულებების და პრევენციის შესახებ ასოციაციის პრეზიდენტი, დტსუ-ს სტუდენტი თამარ რატიშვილი ესაუბრა. ლექციაზე ყურადღება გამახვილებული იყო წითელას საწინააღმდეგო აცრის მნიშვნელობასა და ეფექტურობაზე. განხილული იყო ეპიდაფეთქების პირობებში ვაქცინაციის რეკომენდაციები და საზოგადოებრივი იმუნიტეტის მნიშვნელობა. ლექციის შემდეგ სტუდენტებმა გადაინაცვლეს სტენდებთან, სადაც ვიქტორინის ტიპის თამაშში მიიღეს მონაწილეობა. სტუდენტები რიგრიგობით სცემდნენ პასუხს სირთულის მიხედვით განაწილებულ კითხვებს ზოგად ვაქცინოლოგიასა და კონკრეტულ ვაქცინით პრევენცირებად დაავადებებზე. AIVA-ს წარმომადგენლები, დტსუ-ს სტუდენტები - ალექსანდრე ასათიანი, ქეთევან გვაზავა, მარიამ ჯაში, ანა ჭანია, ნინო ჯავახიშვილი, თამარ კუხალაშვილი და თამარ რატიშვილი სტუდენტებთან ერთად განიხილავდნენ თითოეულის კითხვას. სტუდენტებს, რომლებმაც შეკითხვებს სწორად უპასუხეს, გადაეცათ წამახალისებელი საჩუქრები დტსუ-სგან.