2019 წლის 1 აპრილს, აიეტის ნევროლოგიის სტუდენტთა ინტერესის ჯგუფმა (SIGN), აუტიზმის დღესთან დაკავშირებული ღონისძიება ჩაატარა. სტუდენტების მთავარი მიზანი იყო ინფორმაცია მიეწოდებინათ სამედიცინო სტუდენტებისათვის აუტიზმის დიაგნოსტირების კრიტერიუმების ცვლილებებისა და მენეჯმენტის სწორი ფორმების შესახებ.
ექიმმა ნანა ტატიშვილმა, იაშვილის ცენტრალური ჰოსპიტალის ბავშვთან ნევროლოგმა, ლექცია ჩაატარა აუტიზმის მდგომარეობის შესახებ.
ექიმმა ალექსანდრა გვენატაძემ (გაგუას კლინიკის გინეკოლოგიის რეზიდენტი) დამსწრე საზოგადოებას უახლესი ინფორმაცია გააცნო დედისმიერი ფაქტორების შესახებ რომელბიც ზეგავლენას ახდენენ აუტიზმის განვითარებაზე. პრეზენტაციების შემდგომ, სტუდენტებმა მონაწილეობა მიიღეს workshop-ში, რომელიც მოიცავდა ვირტუალური პაციენტის ქეისის განხილვას. სესიაში აქტიურად იყვნენ ჩართულნი SIGN-ის პრეზიდენტი და სტუდენტები. ღონისძიება გაგრძელდა 2 აპრილსაც. ინტერესის ჯგუფის წევრები განაწილდნენ სხვადასხვა საავადმყოფოებში, რათა ფლაიერების სახით ცნობადობა გაეზარდათ აუტიზმის გარშემო არსებული მითებისა და რეალობის შესახებ საზოგადოებაში. აუტისმი ყოველი 59-იდან 1 ბავშვს აქვს, მისი პრევალენტობა ბოლო ათწლეულებში საკმაოდ სწრაფად გაიზარდა. პროგნოზის გაუმჯობესება შეიძლება ნაადრევი დიაგნოსტიკისა და თერაპიის ფონზე. აუტისტური სპექტრის მქონე ბავშვების მშბლებისთვის ძალიან მნიშვნელოვანია, რომ დროულად ამოიცნონ სიმპტომები და დაუყონებლივ იზრუნონ მათზე. ასეთივე მნიშვნელობის მატარებელია ექიმისთვის აუტიზმის იდენთიფიცირება.