2020 წლის 27 იანვარიდან დავით ტვილდიანის სამედიცინო უნივერსიტეტი ჩაერთო დამამთავრებელი კურსის სტუდენტებისთვის კლინიკური განსჯის სწავლების პილოტურ პროექტში სახელწოდებით Practicum Universities. აღნიშნული პროექტი წარმოადგენს მულტიცენტრულ პილოტურ კვლევას, რომელიც ერთობლივად არის კოორდინირებული Practicum Institute და European Board of Medical Assessors მიერ. კვლევის მიზანს წარმოადგენს კლინიკური როტაციების დროს სტუდენტებში Practicum Script–ის, როგორც პრობლემათა გადაჭრის უნარის გაძლიერებაზე ორიენტრებული, სტანდარტიზებული საგანმანათლებლო რესურსის ეფექტურობის შესწავლა. პროექტი შედგება აკადემიური წლის განმავლობაში მიწოდებული შინაგანი მედიცინის 20 რეალური კლინიკური შემთხვევისგან და მასში ჩართულია სხვადასხვა ქვეყნის 25 წამყვანი სამედიცინო სკოლის 2000–ზე მეტი დამამთავრებელი კურსის მედიკოსი სტუდენტი.
მიმდინარე პროექტი ფოკუსირებულია დამამთავრებელი კურსების მედიკოს სტუდენტებზე და 2020 წლის ბოლოს დაგეგმილია მიღებულ იქნას ფსიქომეტრული შედეგები. პროექტის განმავლობაში პლატფორმის ტესტირება მოხდება ევროპის, აშშ და ლათინური ამერიკის 20–ზე მეტ სამედიცინო სკოლაში. რეტროსპექტულ ჭრილში, კლინიკური შემთხვევები შეიმუშავეს Imperial College London–ის ექსპერტებმა და შემდგომ მათი რევიზირება განახორციელა 15 სამედიცინო სკოლის წარმომადგენელთა მიერ შემდგარმა საერთაშორისო ექსპერტთა პანელმა, მათ შორის ჩართული იყო დტსუ–ს აკადემიური პერსონალი: ლიზა გოდერძიშვილი და ქეთევან კაპანაძე. აღნიშნული პანელის ექსპერტების მიერ მოხდა სხვადასხვა კლინიკური სცენარისთვის გადაწყვეტილებათა დასაბუთების წარმოდგენა.
დარგის ექსპერტები თანხმდებიან, რომ არსებობს კლინიკური განსჯის განვითარების ეფექტური მიდგომების დანერგვის საჭიროება. აღნიშნული პროგრამა იძლევა საშუალებას მოხდეს კლინიკური განსჯის სწავლება და შეფასება მართულ და კონტროლირებად გარემოში. აღნიშნული რესურსით სწავლის გამოცდილება მონაწილეებში გააძლიერებს რეალურ სიტუაციებში, მათ შორის არაერთგვაროვან კონტექსტებში, გადაწყვეტილებების მიღების უნარს.