2010 წლის 18-20 ნოემბერს გაიმართა დიპლომის შემდგომი განათლების მე-7 საერთაშორისო კონფერენცია, რომელიც ჩატარდა ქ. ჰრადეც კრალოვში (ჩეხეთის რესპუბლიკა) კარლოვის უნივერსიტეტის ჰრადეც კრალოვის სამედიცინო ფაკულტეტის ბაზაზე. აღნიშნულ კონფერენციაზე წარმოდგენილი იყო 42 PhD სწავლების სტუდენტის მოხსენება 13 ქვეყნიდან. მოხსენებათა შეფასება ხდებოდა საერთაშორისო ჟიურის მიერ, რომელიც წარმოდგენილი იყო რვა სახელმწიფოს წამყვანი მეცნიერით. გარდა ამისა, კონფერენციის მუშაობაში მონაწილეობა მიიღეს “ORPHEUS”–ის პრეზიდენტმა პროფ. ზდრავკო ლაცკოვიჩმა და ევროპის სამედიცინო სკოლების ასოციაციის პრეზიდენტმა და ავიცენას პროექტის კოორდინატორმა პროფ. დევიდ გორდონმა. კონფერენციის მუშაობაში მონაწილეობა მიიღო უმაღლესი სამედიცინო სკოლის “აიეტი”-ს დეკანმა, პროფ. სერგო თაბაგარმა.
საქართველოსგან კონფერენციის სამეცნიერო პროგრამაში მონაწილეობდა უმაღლესი სამედიცინო სკოლის “აიეტი” PhD სწავლების პროგრამის მეორე კურსის სტუდენტმა თინათინ გაგუამ. კონფერენციის დამთავრებისას გამოვლენილ იყვნენ გამარჯვებულები: პირველი ადგილი - Froukje J. Verdam (ჰოლანდია), ხოლო მეორე და მესამე ადგილები – სლოვაკიის და ჩეხეთის უნივერსიტეტის სტუდენტებმა – Anna Rybarova და Ondřej Gojiš.
კონფერენციის ფარგლებში განხილულ იქნა უმაღლესი სამედიცინო სკოლა “აიეტის” და ჰრადეც კრალოვის სამედიცინო ფაკულტეტის შემდგომი თანამშრომლობის საკითხები.