14 მარტს დავით ტვილდიანის სამედიცინო უნივერსიტეტის რუსთავის საუნივერსიტეტო კამპუსის სტუდენტებმა კამპუსის ტერიტორიის გამწვანებაში მიიღეს მონაწილეობა. ახალი ტრადიციის თანახმად თითოეულმა სტუდენტმა კამპუსის ეზოში თავისი სახელობის ხე დარგო. დავით ტვილდიანის სამედიცინო უნივერსიტეტში სწავლის პერიოდში მათ მიეცემათ საშუალება საკუთარ ხეებზე იზრუნონ და მაგალითი მისცენ სხვა სტუდენტებს.