4-6 ოქტომბერს (2018 წ.) უნგრეთის ქ. პეჩში გაიმართა ევროპის სამედიცინო სკოლათა ასოციაციის (AMSE) მიერ ორგანიზებული სამეცნიერო კონფერენცია, ასოციაციის გენერალური ასამბლეა და აღმასრულებელი კომიტეტის შეხვედრა. სამეცნიერო კონფერენციის შინაარსად განსაზღვრული იყო თანამედროვე სამედიცინო განათლების ერთ-ერთი უმნიშვნელოვანესი საკითხი, კერძოდ კვლევის სწავლება სამედიცინო განათლებაში: „Best Practice for Research teaching in Medical Education”. თემატურად იგი იმგვარად იყო ორგანიზებული, რომ ერთის მხრივ გულისხმობდა ევროპის სამედიცინო სკოლათა სტუდენტების მოხსენებებს, სამუშაო შეხვედრებსა და ლაბორატორიათა პრეზენტაციას, და ასევე სპეციალური სიმპოზიუმების ფარგლებში-ზეპირ სამედიცინო განათლებაში კვლევის სწავლების ორგანიზაციას, ადმინისტრირებასა და ხელშეწყობაში არსებულ და საუკეთესო პრაქტიკების შესახებ მოხსენებებსა და დისკუსიებს. სწორედ ამ სიმპოზიუმის ფარგლებში მოხსენდა დტსუ-სა და აღმოსავლეთ ევროპის უნივერსიტეტის ურთიერთთანამშრომლობით მომზადებული პრეზენტაცია „Programmatic Issues of the MD Students Progress in Developing Scientific Skills and Aspects of Their Quality Evaluation Benchmarks”. პრეზენტაცია ეხებოდა თანამედროვე სამედიცინო სკოლაში მეცნიერებაზე დაფუძნებული სწავლების სტრატეგიის შემუშავებისა და განვითარებისთვის მნიშვნელოვან კონტექსტუალურ საკითხებს, სტრატეგიის კონცეპტუალური ბაზისთვის აქტუალურ კომპონენტებს, პროგრამული იმპლემენტაციის მეთოდოლოგიას, დმ-ის პროგრამაში სტუდენტთა სამეცნიერო უნარების განვითარების სავალდებულო და არჩევით „გზებს“; დტსუ-ში დანერგილი სამეცნიერო კვლევის კურსების სწავლების/სწავლისა და შეფასების ფორმატებს; ასევე პრგორმაების ამ ასპექტში (კვლევაზე დაფუძნებული სწავლება) შეფასების ინდიკატორებს აკადემიური კეთილსინდისიარებისა და კოლაბორაციის (ეროვნულ და საერთაშორისო დონეზე) მნიშვნელობას.
უნივერსიტეტის შესაბამისმა წარმომადგენლებმა მონაწილეობა მიიღეს გენერალური ასამბლეის და აღმასრულებელი კომიტეტის მუშაობაში.
პეჩის სამუშაო შეხვედრებსა, კონფერენციებსა და სიმპოზიუმების მუშაობაში დტსუ-ის 8 წარმოამდგენელმა (ადმინისტაცია, აკადემიური შტატი და სტუდენტები) მიიღო მონაწილეობა.