შოთა რუსთაველის საქართველოს ეროვნული სამეცნიერო ფონდისა და გერმანიის აკადემიური გაცვლის სამსახურის ერთობლივი „Rustaveli-DAAD“-ის სასტიპენდიო პროგრამის ფარგლებში დტსუ-ს ასოც. პროფესორი თინათინ ზურაშვილი იმყოფებოდა გერმანიის ქ. კილის უნივერსიტეტში. იგი მუშაობდა პროფ. პიერ ვულფის ლაბორატორიაში სამეცნიერო პროექტზე სახელწოდებით: „სინთეზური Notch რეცეპტორი ნეირონთა ურთიერთკავშირის შესწავლაში; ახალი მოლეკულური ტექნოლოგიის შემუშავება“.
გერმანიაში კვლევითი სტაჟირების პერიოდში განხორციელებული აქტივობები და მიღებული შედეგები წარმოდგენილი იქნა საგრანტო პროგრამის შემაჯამებელ სამეცნიერო კონფერენციაზე.