1-7 მარტს დავით ტვილდიანის სამედიცინო უნივერსიტეტის მეოთხე კურსის ორი სტუდენტი, ანა სინაურიძე და იკშვაკი კაუშიკ, დაესწრნენ IFMSA-ს (მედიკოს სტუდენტთა ასოციაციების საერთაშორისო ფედერაცია) ერთ-ერთ მთავარ ღონისძიებას, 68-ე გენერალურ ასამბლეას - მარტის შეხვედრა სლოვენიაში, როგორც GMSA-ს (საქართველოს მედიკოს სტუდენტთა ასოციაცია) დელეგატები. ღონისძიებას ყოველწლიურად ასობით სტუდენტი ესწრება სხვადასხვა ქვეყნიდან. ტრადიციულად ამ შეხვედრას საქართველოს წარმომადგენლებიც ესწრებიან. შეხვედრა 6 დღე გრძელდება. დამსწრე სტუდენტები სხვადასხვა აქტივობებში იღებენ მონაწილეობას. წლევანდელ ასამბლეაზე, დტსუ-ს სტუდენტები დაესწრნენ სესიებს პროფესიული და კვლევითი გაცვლითი პროგრამების შესახებ, სადაც განხილული იყო შემდეგი თემები: ორგანიზაციის გაცვლითი პროგრამების აკადემიური ხარისხის ამაღლება, მდგრადი და ფუნქციური გუნდის შექმნა, რომელიც გაუძღვება გაცვლით პროგრამებს და ა.შ. დტსუ-ს სტუდენტებმა აგრეთვე წარადგინეს GMSAს გაცვლითი პროგრამები პოსტერის მეშვეობით. ტრენინგებში მონაწილეობის მიღებასთან ერთად, ისინი ესწრებოდნენ პლენარულ სესიებსაც, სადაც განიხილებოდა წლის ყველაზე მნიშვნელოვანი მოვლენები (IFMSA-ს კონსტიტუციის ცვლილებები, მმართველი გუნდის არჩევნები და ა.შ.) როგორც GMSA-ს წევრები, ჩვენი სტუდენტები აქტიურად იყვნენ ჩართული გადაწყვეტილების მიღების პროცესში. დავით ტვილდიანის სამედიცინო უნივერსიტეტი მომავალშიც განაგრძობს იმ სტუდენტების მხარდაჭერას, რომელთაც სურთ GMSA-სა და IFMSA-ს საქმიანობაში აქტიურად ჩართვა.