საგანმანათლებლო ონლაინ ღონისძიება “რა უნდა ვიცოდეთ წინაგულთა ფიბრილაციასა და თრომბოემბოლიაზე COVID -19 ის პანდემიის დროს”- 2020 წლის 3 მაისს, დავით ტვილდიანის სამედიცინო უნივერსიტეტის ვირტუალური დარბაზიდან ინტერაქციულ რეჟიმში წარიმართა.
ღონისძიება ჩატარდა საერთაშორისო პროექტ ”DeepRaft ”-ის მხარდაჭერით.
DeepRaft - არის საგანმანათლებლო და სამეცნიერო პროექტი, რომლის მიზანია წინაგულთა ფიბრილაციისა და თრომბოემბოლიზმის შესახებ საზოგადოებაში განათლებისა და ცნობიერების ამაღლება აღმოსავლეთ ევროპის 4 ქვეყანაში (საბერძნეთი, საქართველო, უკრაინა და ყაზახეთი).
მიმდინარე შეხვედრა მიზნად ისახავდა, დაავადების შესახებ მოსახლეობაში ცოდნის დონის ამაღლებას და დაინტერესებულ მხარეებს შორის ეფექტური კომუნიკაციის წამოწყებას ზემოაღნიშნულ, აქტუალურ პრობლემაზე, რომელიც მოიცავს დაავადების პრევენციის მიზნით პაციენტ-ექიმის დროულ კომუნიკაციას.
ონლაინ ღონისძიებას უძღვებოდნენ: ექიმი-ნევროლოგი - გია ჩახავა, საქართველოს სამედიცინო სპეციალობათა ასოციაციის პრეზიდენტი, ასოცირებული პროფესორი. ექიმი-კარდიოლოგი - გიორგი ჩხოლარია, კარდიოლოგიური სამსახურის ხელმძღვანელი. დავით ტვილდიანის სამედიცინო უნივერსიტეტის კვლევითი სამსახურის ხელმძღვანელი, ასოცირებული პროფესორი - ილია ნადარეიშვილი.
შეხვედრა მიმდინარეობდა ინტერაქციულ რეჟიმში, გაიმართა აქტიური დისკუსია მომხსენებლებსა და დამსწრე საზოგადოებას შორის, ასევე განხილულ იქნა რამდენიმე ვირტუალური პაციენტის შემთხვევაც.