დავით ტვილდიანის სამედიცინო უნივერსიტეტის მე-6 კურსის სტუდენტები, ზოგადი სპეციალიზაციის კურსის ფარგლებში, “პაციენტთა მართვის საკითხები“ არჩევითი პრაქტიკის კურსს (SSM) საჩხერის მულტიპროფილური საავადმყოოფოს სხვადასხვა განყოფილებებში გადიან.
კურსი დაგეგმილია და ხორციელდება პაციენტების სამედიცინო პრაქტიკაში მაქსიმალური ჩართულობისა და ინტერაქციის რეჟიმში, რაშიც მათ ტუტორობას (ქართულ ენაზე პაციენტებთან კომუნიკაციაში) პედაგოგები თ. ყენია და ვ. კაციტაძე უწევენ.
პედაგოგები უცხოენოვან სტუდენტებს პაციენტებთან კომუნიკაციის გამარტივების მიზნით, ქართულ ენაში დამატებით გაკვეთილებს უტარებენ.
სტუდენტები დიდი ენთუზიაზმით არიან ჩართულნი კლინიკურ აქტივობაში: ატარებენ პაციენტთა ფიზიკალურ გასინჯვას, კრებენ ანამნეზს, ჩართულნი არიან გამოკვლევებსა თუ დიაგნოსტიკის პროცესში. ასისტირებას უწევენ ექიმებსა და ექთნებს.
სტუდენტები, ყოველდღიური შეხვედრის რეჟიმში, ჩატარებული მუშაობის შესახებ ანგარიშს აწვდიან ხელმძღვანელს - მ.ხელაძეს, რომელიც ეცნობა და აფასებს მათ მიერ განხორციელებულ აქტივობებს.
სტუდენტები გამოხატავენ მადლიერებასა და კმაყოფილებას საჩხერის სამედიცინო პერსონალის მიმართ და თვლიან, რომ მიღებული პრაქტიკა მათი კარიერული ზრდისთვის მეტად მნიშვნელოვანია.
საჩხერის სამედიცინო ცენტრის ხელმძღვანელობა და მედ-პერსონალი, გამოთქვამს მზაობას, შემდგომში კიდევ უფრო მეტად ეფექტური ურთიერთთანამშრომლობისთვის