30 ივლისს, დავით ტვილდიანის სამედიცინო უნივერსიტეტის დამამთავრებელი კურსის გამოსაშვები საღამო გაიმართა.
სტუდენტებს სწავლის დამთავრება მიულოცეს და სიტყვით მიმართეს უნივერსიტეტის რექტორმა - ბ-ნ ლევან ტვილდიანმა, დეკანმა- ქ-ნ ნია ბრეგვაძემ და ადმინისტრაციის წარმომადგენლებმა.
საღამოს უძღვებოდნენ ამავე უნივერსიტეტის სტუდენტები: ქეთევან ხააძე და ნიკოლოზ ქოჩიაშვილი.
ტრადიციულად, დაწესებულ ნომინაციაში, „საუკეთესო ლექტორი“ წელს კურსდამთავრებულთა რჩეული გახდა ლელა გაჩეჩილაძე (სწავლების ბაზისური ნაწილი) და მარიკა თოიძე (სწავლების კლინიკური ნაწილი), რომელთაც გადაეცათ სერტიფიკატები და მათთვის შექმნილი გულსამაგრები. ვულოცავთ მათ ამ დამსახურებულ ჯილდოს.
ღონისძიებაზე გამოვლინდა 2022 წლის საუკეთესო სტუდენტი, თორნიკე ჯაში, რომელსაც უნივერსიტეტის რექტორმა ბ.ნ ლევან ტვილდიანმა „რექტორის რჩეული“ ჯილდო და ფულადი პრიზი გადასცა.
წლევანდელ საღამოზე ასევე დასახელდა წლის საუკეთესო სტუდენტი თორნიკე ჯაში და ფატიმა ბურჰან რავატი, მათ სამახსოვრო სერტიფიკატი უნივერსიტეტის პრორექტორმა ბ-ნ სერგო თაბაგარმა გადასცა.
სტუდენტებმა წარმოთქვეს/დადეს „ჰიპოკრატეს ფიცი“ დასტურად იმისა, რომ იზრუნებენ პაციენტის ჯანმრთელობასა და მათ სიცოცხლეზე.
ღონისძიებაზე ასევე სიტყვით წარსდგნენ დამამთავრებელი კურსის სტუდენტები მ. სვანაძე, სამრან რაკეშ და ოპიემი ენიოლა.
ცერემონიალის დასასრულს სტუდენტების მიერ შესრულდა ჰიმნი (Gaudeamus Igitur). ოფიციალური ნაწილი კი საზეიმო ტორტის გაჭრით დასრულდა.
სტუდენტებს ვულოცავთ ცხოვრების ახალ ეტაპზე გადასვლას და ვუსურვებთ კარიერულ წინსვლას!