16-17 თებერვალს დავით ტვილდიანის სამედიცინო უნივერსიტეტმა და დავით ტვილდიანის საექთნო კოლეჯმა საერთაშორისო საგანმანათლებლო გამოფენაში მიიღეს მონაწილეობა. გამოფენაზე სტუმრებმა მიიღეს დაწვრილებითი ინფორმაცია უნივერსიტეტისა და საექთნო კოლეჯის სწავლის სპეციფიკისა და სამომავლო პერსპექტივების შესახებ. გამოფენის განმავლობაში დაინტერესებულ პირებს ასევე ჰქონდათ შესაძლებლობა უნივერსიტეტისა და კოლეჯის სტუდენტებისა და ლექტორების დახმარებით თავადვე განეხორციელებინათ გარკვეული მანიპულაციები მულაჟებზე და მოერგოთ ექთნისა თუ ექიმის როლი.